Каляда-калядзіца
13.01.2016У нашым садку Каляду-2016 сустрэлі ў самых лепшых традыцыях. Дзяўчынкі і хлопчыкі прыйшлі ў музычную залу, дзе іх ужо чакалі ў сваёй упрыгожанай хаце Баба і Дзед.
Яны ад радасці зплясалі для дзяцей вясёлы танец, як раптам нехта пагрукаў у дзверы. Гэта прыйшлі прыгожыя калядоўшчыкі, якія прывялі з сабой казу.
Каза амаль адразу пусцілася з дзецьмі ў скокі, трохі пагуляла з імі.
Але нешта хутка стамілася і ўпала!
Пачалі Дзед і Баба частаваць казу салам ды іншымі прысмакамі.
Нарэшце паднялі ды пасадзілі за стол разам з калядоушчыкамі.
Тут ізноў грук. На гэты раз завіталі сапраўдныя цыганы.
Ды не адні, а разам з медзяведзем. Не звычайным, а вучоным.
Мішка трохі пагуляў з дзецьмі, паплясаў.
Раптам цыган вырашыў, што Дзеду неабходна купіць у яго каня.
І прывёў таго каня паглядзець.
Дый прадаў Дзеду кабылу, на якой стары і знік некуды…
Засумавала Баба без свайго старога, трэба шукаць. Запаліла свечку, патушыла святло ды пачала варажыць на сужанага-ражанага.
Але як жа яна ды і госці здзівіліся, калі замест дзеда на парозе з’явіўся сапраўдны чорт!
Нечысць патрабавала за дзеда гульню. Дзяўчынкі і хлопчыкі падтрымалі гэтага дзіўнага госця і з гатоўнасцю з ім пагулялі.
Толькі пасля гэтага Чорт прывалок з сеняў мяшок.
А ў мяшку…
А ў мяшку сядзеў Дзед, які хуценька адтуль і вылез разам з салёным гурком на відэльцы!
Проста зайшоў ён на кані да суседкі павіншаваць ды і закалядаваўся там!
Рада Баба, рады госці: усё добра скончылася!
Разышліся дзеці па групах у чаканні Каляды ў сябе, а калядоўшчыкі не прымусілі доўга чакаць, па ўсім садку прайшлі з вясёлай музыкай, спевамі і, канешне, казою.
Каляда-калядзіца,
Прыхадзі павесяліца!